[ad_1]
Dead Butt Syndrome: ਅਕਸਰ ਕੰਮ ਦੇ ਚੱਕਰ ‘ਚ ਲੋਕ ਘੰਟਿਆਂ ਤੱਕ ਦਫਤਰ ਦੀ ਕੁਰਸੀ ‘ਤੇ ਬੈਠੇ ਰਹਿੰਦੇ ਹਨ। ਪਰ ਇਕ ਜਗ੍ਹਾ ‘ਤੇ ਲੰਬੇ ਸਮੇਂ ਤਕ ਬੈਠਣ ਨਾਲ ਮੋਟਾਪਾ, ਸ਼ੂਗਰ, ਪੇਟ ਦਰਦ, ਕੈਂਸਰ ਤੋਂ ਇਲਾਵਾ ਡੈੱਡ ਬੱਟ ਸਿੰਡਰੋਮ ਯਾਨੀ Gluteal Amnesia ਦਾ ਵੀ ਖ਼ਤਰਾ ਰਹਿੰਦਾ ਹੈ। ਹਾਲਾਂਕਿ ਇਹ ਕੋਈ ਗੰਭੀਰ ਬਿਮਾਰੀ ਨਹੀਂ ਹੈ ਪਰ ਜੇ ਸਮੇਂ ਸਿਰ ਧਿਆਨ ਨਾ ਦਿੱਤਾ ਜਾਵੇ ਤਾਂ ਇਸ ਨਾਲ ਹਿਪਸ ਅਤੇ ਇਸਦੇ ਦੁਆਲੇ ਦਾ ਹਿੱਸਾ ਕਮਜ਼ੋਰ ਹੋ ਜਾਂਦਾ ਹੈ।
ਕੀ ਹੈ ਡੈੱਡ ਬੱਟ ਸਿੰਡਰੋਮ: ਮਾਹਰਾਂ ਦੇ ਅਨੁਸਾਰ ਇਹ ਹਿਪਸ ‘ਚ ਹੋਣ ਵਾਲੀ ਸਮੱਸਿਆ ਹੈ ਜੋ ਇੱਕ-ਇੱਕ ਮਾਸਪੇਸ਼ੀ Gluteus Medius ਦੇ ਸਹੀ ਤਰੀਕੇ ਨਾਲ ਕੰਮ ਨਹੀਂ ਕਰਨ ਕਾਰਨ ਹੁੰਦੀ ਹੈ। ਇਸ ਦੇ ਕਾਰਨ ਕੁੱਲ੍ਹੇ ਹੀ ਨਹੀਂ ਬਲਕਿ ਪਿੱਠ, ਗੋਡਿਆਂ, ਗਿੱਟਿਆਂ ‘ਚ ਦਰਦ ਹੁੰਦਾ ਹੈ। ਇਹ ਉਨ੍ਹਾਂ ਲੋਕਾਂ ਹੂ ਹੁੰਦਾ ਹੈ ਜੋ ਕੁਰਸੀ ‘ਤੇ ਬੈਠੇ ਕੇ ਬਹੁਤ ਸਮੇਂ ਤੱਕ ਕੰਮ ਕਰਦੇ ਹਨ। ਇਸ ਤੋਂ ਇਲਾਵਾ ਜੋ ਲੋਕ ਕਾਰ ਅਤੇ ਸੋਫੇ ‘ਤੇ ਬਹੁਤ ਲੰਮਾ ਸਮਾਂ ਬਿਤਾਉਂਦੇ ਹਨ ਉਨ੍ਹਾਂ ਨੂੰ ਵੀ ਇਹ ਸਮੱਸਿਆ ਹੋ ਸਕਦੀ ਹੈ। ਹਾਲਾਂਕਿ Muscle Imbalance ਦੀ ਸਮੱਸਿਆ ਸਰੀਰਕ ਤੌਰ ‘ਤੇ ਕਿਰਿਆਸ਼ੀਲ ਲੋਕਾਂ ਨੂੰ ਵੀ ਹੋ ਸਕਦੀ ਹੈ।
ਡੈੱਡ ਬੱਟ ਸਿੰਡਰੋਮ ਦੇ ਲੱਛਣ
- ਹਿਪਸ ਅਤੇ ਉਸ ਦੇ ਆਸ-ਪਾਸ ਸੁੰਨਪਨ, ਜਲਨ ਅਤੇ ਦਰਦ
- ਹਿਪਸ ‘ਚ ਕੀੜੀਆਂ ਚਲਦੀਆਂ ਮਹਿਸੂਸ ਹੋਣਾ
- ਅਜੀਬ ਜਿਹੀ ਝਰਨਾਹਟ ਅਤੇ ਸੇਂਸੇਸ਼ਨ ਮਹਿਸੂਸ ਹੋਣਾ
- ਹਿਪਸ ‘ਚ ਦਰਦ ਅਤੇ ਖਿਚਾਅ
- ਪਿੱਠ, ਗੋਡਿਆਂ, ਅੱਡੀਆਂ ‘ਚ ਦਰਦ
ਡੈੱਡ ਬੱਟ ਸਿੰਡਰੋਮ ਦੇ ਕਾਰਨ: ਦਰਅਸਲ ਇਕ ਜਗ੍ਹਾ ਤੇ ਲੰਬੇ ਸਮੇਂ ਤੱਕ ਬੈਠੇ ਰਹਿਣ ਕਾਰਨ ਉਨ੍ਹਾਂ ‘ਚ ਖੂਨ ਦੀ ਸਪਲਾਈ ਨਹੀਂ ਹੋ ਪਾਉਂਦੀ। ਉੱਥੇ ਹੀ ਮਾਸਪੇਸ਼ੀਆਂ ਦੀ ਘੱਟ ਵਰਤੋਂ ਦੇ ਕਾਰਨ ਵੀ ਹਿਪਸ ‘ਚ ਸੁੰਨਪਨ ਆ ਜਾਂਦਾ ਹੈ। ਲੰਬੇ ਸਮੇਂ ਤੋਂ ਇਹ ਸਮੱਸਿਆ ਰਹਿਣ ਦੇ ਕਾਰਨ ਇਸਦੇ ਆਸ ਪਾਸ ਦੇ ਹਿੱਸਿਆਂ ‘ਚ ਤੇਜ਼ ਦਰਦ ਹੋਣ ਲੱਗਦਾ ਹੈ। ਨਾਲ ਹੀ ਤੇਜ਼ ਰਫਤਾਰ ਨਾਲ ਚੱਲਣ ਨਾਲ ਵੀ ਡੈੱਡ ਬੱਟ ਸਿੰਡਰੋਮ ਟਰਿੱਗਰ ਹੋ ਸਕਦਾ ਹੈ ਇਸ ਲਈ ਹਮੇਸ਼ਾਂ ਹੌਲੀ-ਹੌਲੀ ਚੱਲੋ।
ਡੈੱਡ ਬੱਟ ਸਿੰਡਰੋਮ ਤੋਂ ਬਚਣ ਲਈ ਟਿਪਸ
- ਇਸ ਸਿੰਡਰੋਮ ਤੋਂ ਬਚਣ ਲਈ ਸਭ ਤੋਂ ਪਹਿਲਾਂ ਇਕ ਜਗ੍ਹਾ ‘ਤੇ ਨਾ ਚਿਪਕੇ ਰਹੋ। ਜੇ ਦਫਤਰ ‘ਚ ਹੋ ਤਾਂ ਹਰ 30 ਮਿੰਟ ਬਾਅਦ ਉੱਠਕੇ ਤੁਰੋ।
- ਥੋੜ੍ਹੀ-ਥੋੜ੍ਹੀ ਦੇਰ ਬਾਅਦ ਸੀਟ ਤੋਂ ਉਠਕੇ ਹਿਪ ਏਰੀਆ ਦੀ ਵਰਤੋਂ ਕਰਦੇ ਰਹੋ। ਇਸ ਨਾਲ ਪ੍ਰਭਾਵਿਤ ਹਿੱਸਿਆਂ ‘ਚ ਬਲੱਡ ਸਰਕੂਲੇਸ਼ਨ ਸਹੀ ਹੋਵੇਗਾ।
- ਰੋਜ਼ਾਨਾ ਘੱਟੋ-ਘੱਟ 30 ਮਿੰਟ ਦੀ ਸਟ੍ਰੈਚਿੰਗ ਕਸਰਤ ਕਰਦੇ ਰਹੋ। ਇਸ ਨਾਲ ਕੁੱਲਿਆਂ ‘ਚ ਬਲੱਡ ਸਪਲਾਈ ਵਧੇਗੀ ਅਤੇ ਮਾਸਪੇਸ਼ੀਆਂ ਵੀ ਮਜ਼ਬੂਤ ਹੋਣਗੀਆਂ।
- ਜੇ ਹੋ ਸਕੇ ਤਾਂ ਕੁੱਝ ਦੇਰ ਚੌਕੜੀ ਮਾਰ ਕੇ ਬੈਠ ਜਾਓ। ਰੋਜ਼ਾਨਾ ਰੁਟੀਨ ‘ਚ ਸੈਰ ਕਰੋ। ਇਸ ਨਾਲ ਮਾਸਪੇਸ਼ੀਆਂ ਵੀ ਸਰਗਰਮ ਰਹਿਣਗੀਆਂ।
- ਇਸ ਸਮੱਸਿਆ ਤੋਂ ਬਚਣ ਲਈ ਆਪਣੀ ਰੁਟੀਨ ‘ਚ ਟਾਈਗਰ ਪੋਜ਼, ਹੈਮਸਟ੍ਰਿੰਗ ਸਟ੍ਰੈਚ, ਸਕੁਐਟ, ਭੁਜੰਗਸਾਨਾ, ਬ੍ਰਿਜ ਪੋਜ਼ ਨੂੰ ਸ਼ਾਮਲ ਕਰੋ।
- ਤੁਸੀਂ ਦਫਤਰ ‘ਚ ਲਿਫਟ ਦੀ ਥਾਂ ਪੌੜੀਆਂ ਦੀ ਵਰਤੋਂ ਕਰਕੇ ਇਸ ਸਮੱਸਿਆ ਤੋਂ ਬਚ ਸਕਦੇ ਹੋ।
- ਦਰਦ ਅਤੇ ਸੋਜ ਨੂੰ ਘਟਾਉਣ ਲਈ ਆਈਸ ਪੈਕ ਜਾਂ ਕੋਲਡ ਕੰਪਰੈੱਸ ਨਾਲ ਸਿਕਾਈ ਕਰੋ। ਇਸ ਤੋਂ ਇਲਾਵਾ ਆਪਣੇ ਪੈਰਾਂ ਨੂੰ ਉੱਪਰ ਰੱਖੋ ਅਤੇ ਚੰਗੀ ਤਰ੍ਹਾਂ ਸਮਰਥਨ ਕਰੋ।
- ਜ਼ਿਆਦਾਤਰ ਨੌਕਰੀ ਪੇਸ਼ਾ ਲੋਕ ਇਸ ਸਿੰਡਰੋਮ ਤੋਂ ਪੀੜਤ ਹਨ ਪਰ ਉਹ ਇਸ ਛੋਟੀ ਜਿਹੀ ਸਮੱਸਿਆ ਨੂੰ ਨਜ਼ਰ ਅੰਦਾਜ਼ ਕਰ ਦਿੰਦੇ ਹਨ ਜੋ ਕਿ ਸਹੀ ਨਹੀਂ ਹੈ।
The post ਇੱਕ ਹੀ ਜਗ੍ਹਾ ‘ਤੇ ਬੈਠੇ ਰਹਿਣ ਨਾਲ ਤੁਹਾਡੇ ਵੀ Hips ਹੋ ਜਾਂਦੇ ਹਨ ਸੁੰਨ ਤਾਂ ਪਹਿਲਾਂ ਪੜ੍ਹ ਲਓ ਇਹ ਖ਼ਬਰ appeared first on Daily Post Punjabi.
[ad_2]
Source link
